A COVA DA TERRA

A Cova da Terra pon á vosa disposición produtos de comercio xusto e produción ecolóxica no seu local da rúa Nóreas, no casco histórico de Lugo.

Así mesmo, para as persoas que non teñades acceso a unha tenda de comercio xusto preto do voso domicilio temos unha tenda en liña, na que podedes facer a compra directamente por internet e recibiredes os produtos na casa.

A nosa tenda ofrécevos alimentación de comercio xusto; alimentación ecolóxica, na que se tenta primar os circuitos curtos, o produto fresco e os graneis; tamén dispoñemos de alimentación infantil ecolóxica; produtos ecolóxicos de hixiene e limpeza; papelería ecolóxica; música, documentais e librería especializada; e produtos de asociacións e colectivos de integración sociolaboral de Lugo.

Tamén ofertamos catering con produtos de comercio xusto e ecolóxicos.

Ademais de ser unha tenda aberta ao público en xeral, ten un modelo de comercialización a través da figura das/os asociadas/os, que son persoas ou familias cun compromiso mensual de consumo, o que lles reporta un desconto nos prezos dos produtos.

Dispoñemos tamén de servizo a domicilio.

Achégate a coñecernos!  Estamos na rúa Nóreas, nº 12, ao pé da Porta de San Pedro (Muralla de Lugo). Mira aquí a localización.