A COVA DA TERRA

A Cova da Terra, xunto coa Fundación Taller de Solidariedade e co apoio do Concello de Lugo e a Universidade de Santiago de Compostela, organizamos a xornada de presentación da campaña "Lugo, cidade polo Comercio Xusto" coa que pretendemos converter á nosa cidade nunha localidade que achegue os produtos do Comercio Xusto á cidadanía a través das administracións, comercios, empresas e tecido asociativo.

Para iso convocámosvos a asistir o luns día 20 á xornada aberta que se celebrará na Casa do Saber (Praza Pío XII, 5) ás 17hr e na que ademais de presentar a iniciativa, responderemos todas as dúbidas que poidan xurdir en torno a como adherirse á mesma. Ao remate haberá unha degustación gratuíta de produtos de comercio xusto.

Máis abaixo podes consultar o díptico da xornada e neste enlace ler un pequeno resumo do que significa que Lugo entre a formar parte da Rede de Cidades polo Comercio Xusto. Para saber máis, bota un ollo na páxina da ONG promotora, IDEAS, aquí.

E ti, queres participar na construción dun Lugo máis solidario e xusto?

Agardámoste!